რა არის ბრეინშტორმინგი?

ეს მეთოდი პირველად 1941 წელს შემოგვთავაზა ამერიკელმა A.F. ოსბორნი. მეთოდი შედგება ჯგუფური შემოქმედებითი აზროვნების პროცედურაში, უფრო სწორედ, ეს არის საშუალება მოკლე დროში მოცემულ პრობლემაზე ადამიანთა ჯგუფისგან დიდი რაოდენობის იდეების მოპოვებისა. მეთოდის ეფექტურობა ძალიან მაღალია. ნახევარ საათში ექვს ადამიანს შეუძლია 150 იდეის მოფიქრება. ჩვეულებრივი მეთოდებით მომუშავე დიზაინერების გუნდი ვერც კი წარმოიდგენს, რომ პრობლემას, რომელსაც ისინი განიხილავენ, აქვს ასეთი მრავალფეროვანი ასპექტები. წყარო >>> წყარო >>> ტერმინი ბრეინშტორმინგი მას მერე გახდა პოპულარული, რაც 1953 წელს წიგნი Applied Imagination გამოვიდა. წიგნის ავტორი ალექს ოსბორნია. ბრეინშტორმინგი პრობლემის კრეატიულად გადაჭრის ტექნიკაა, რომელსაც ინდივიდი ან გუნდი იყენებს. როგორ მოვაწყოთ ბრეინშტორმინგი საკლასო ოთახში? – კრიტიკული აზროვნების განვითარების საუკეთესო სტრატეგია. ბრეინშტორმინგი იდეების გენერირების საუკეთესო მეთოდი და მოსწავლეებში კრიტიკული აზროვნების განვითარების საუკეთესო საშუალებაა. მისი პრინციპი კი ძალიან მარტივია – პედაგოგი მოსწავლეებს სთხოვს იფიქრონ კონკრეტულ საკითხთან თუ საგანთან დაკავშირებულ ყველა კონცეფციაზე. თავდაპირველად მოსწავლემ შეიძლება, გითხრათ, რომ პასუხი არ იცის, თუმცა ამ დავალებას არ აქვს სწორი პასუხი. თქვენი მიზანია მოსწავლეებს დაუსვათ ისეთი კითხვები, რომლებიც ბავშვებს აზროვნებას „აიძულებს“ და მეხსიერებასაც გაავარჯიშებინებს. მაგალითად, ვთქვათ, საკითხი ეხება ამინდს. რა გვახსენდება ამ სიტყვის გაგონებაზე? ქარი, ტემპერატურა, შტორმი, თბილი… იდეების „შესაგროვებლად“, დაახლოებით, 5-10 წუთი დასჭირდებათ. ბრაინშტორმინგი საუკეთესო სააზროვნო სტრატეგიაა რიგი მიზეზების გამო: დიდია საგაკვეთილო პროცესში მოსწავლეთა ჩართულობა   ბავშვებს უწევთ გავლილი მასალის გახსენება   იდეის გაჟღერებისთვის თანაბარი შანსი აქვთ   შეცდომის დაშვების შიში არ არსებობს   უწევთ, პატივი სცენ ერთმანეთის აზრებს   ცდილობენ იაზროვნონ კრეატიულად  აღმოფხვრილია საუბრის შიში  ბრეინშტორმინგის მოწყობამდე პედაგოგმა რამდენიმე წესი უნდა გაითვალისწინოს: არასწორი პასუხი არ არსებობს.   შეეცადეთ, მიიღოთ რაც შეიძლება მეტი იდეა და ჩამოწერეთ თითოეული.   არ გააკეთოთ იდეების შეფასება და არ გამოხატოთ დამოკიდებულება მათ მიმართ. საკითხის წამოჭრამდე დაახლოებით უნდა იცოდეთ მოსწავლეების ცოდნის არეალი და უნდა მიაწოდოთ ინფორმაცია, იმ აუცილებელი საკითხების შესახებ, რაც შესაძლოა, აქამდე არ სმენიათ. იდეების მიღება იწყება შემდეგი კითხვების დასმით: გაიხსენეთ, ყველაფერი რაც კონკრეტულ საგანთან (მაგალითად, ბურთთან) ან საკითხთან (მოგზაურობასთან) ასოცირდება…   კომუნიკაციის რამდენი გზა არსებობს?   რა შეიძლება მოხდეს, თუ წვიმა არასდროს შეწყდება?   როგორი იქნება ცხოვრება მანქანების გარეშე?   რა მოხდება, თუ ყველა მანქანას ყვითლად შევღებავთ?   მოკლედ, დასვით კითხვები, რომლებიც აზროვნებას მოითხოვს და რაც უფრო მეტი იდეა ჩამოიწერება, მით უფრო მეტი ახალი, საინტერესო მოსაზრებები გაუჩნდებათ ბავშვებს. შეგიძლიათ, შეკითხვები ახალ მასალასთან დააკავშიროთ, რაც გაზრდის მათ ინტერესს საკითხისადმი და შემეცნების პროცესი ბევრად საინტერესო გახდება. ასევე, შეგიძლიათ, ბავშვები ჯგუფებად დაყოთ, მისცეთ დავალება და სთხოვოთ, დააგროვონ რაც შეიძლება მეტი იდეა.   მოამზადა მარიამ ელიაშვილმა >>>  წყარო: thoughtco.com

---

---

---

---